Etter at regjeringa 12. februar oppheva alle forskriftsfesta smitteverntiltak, kan vi no møtast til gudstenester og andre arrangement utan avgrensingar! Søndag 20. februar er du velkomen til gudsteneste i Årdal kyrkje kl.11.00. 

Vi  er glade for at vi kan no feire gudstenester og gjennomføre kyrkjelege handlingar som normalt, og vil samstundes takke alle som har synt respekt for tiltak og restriksjonar i vanskelege og sårbare situasjonar. 

Vi tilrår framleis enkle tiltak for å forebygge smitte:  Hald deg heime om du er sjuk, host i albogekroken og hald god handhygiene.

Vel møtt til gudsteneste og fellesskap, me gledar oss til å sjå deg i kyrkja!